"СПАДЧЫНА"
Каталог статей
Главная » Статьи » Артыкулы |
Разам заўсёды цікавей ! З 22 жніўня па 30 жніўня 2010 года удзельнікі узорнага клуба міласнікоў фальклору "Катрынка” Высокаўскага цэнтра пазашкольнай работы і удзельнікі Камянецкага раённага грамадскага культурна-адукацыйнага аб’яднання "Спадчына”- усяго 25 чалавек ,прынялі удзел у танцавальных варштатах у Польшчы. З польскай стараны у варштатах прыняў удзел калектыў "Мацежанка” Дома культуры г. Бяла-Падляска. Пачаліся варштаты 22-23 жніўня з адпачынку на Белым возеры, каля Владавы: гульні, забавы на пляжы, касцёр дружбы у мястэчку Акунінка. Потым калектывы жылі і займаліся ў гімназіі мястэчка Своры гміны Бяла-Падляска. Калектывы займаліся як з польскімі, так і з беларускімі інструктарамі. Вынік сумеснай працы- фальклорная праграма, з якой калектывы выступілі 29 жніўня, у нядзелю, на Гмінных Дажынках. З першых хвілін калектывы пасябравалі, таму і вынікі працы былі цікавымі. Удзельнікі варштатаў далі канцэрты у мястэчках Сітнік і Перкавіцы. Адпачывалі на дыскатэцы у Сітніку. Вельмі спадабалася наведванне аквапарку і 3-Д кінатэатра у Бяла-Падляске. А якімі цікавымі і прыемнымі былі вечары польска-беларускіх забаў і конкурсаў! У панядзелак, 30 жніўня мы ад’яджалі дадому ! Цяжка было развітвацца з новымі сябрамі. Але сэрцы сагравала надзея, што новыя сябры хутка прыедуць да нас на варштаты на Беларусь! Старшыня Камянецкага раённага грамадскага культурна-адукацыйнага аб’яднання "Спадчына” Людміла Дудар. | |
Просмотров: 435 | Комментарии: 1 | Рейтинг: 0.0/0 |
Всего комментариев: 0 | |