"СПАДЧЫНА"
12:58 «Прыйшла коляда – двэры одчыняйтэ»! | |
Коляда колядовала, До окэнця прыпадала, Выйды, выйды, господару, Подывыся на кошары… Мы колядку заспываем, Шчасця й долі пожэлаем (дыялект)! Каляды – адно з самых містычных святаў у беларусаў. Да каляд абавязкова адказна рыхтаваліся. Прыбіралі хату, убіралі яе самаробнымі ўпрыгожваннямі. Да калядаў стараліся пашыць новае адзенне, абавязкова памыцца ў лазні, а таксама, прыгатаваць добрыя пачастункі для калядоўшчыкаў. Каляды – свята вясёлае і працягвалася яно прыкладна 2 тыдні, да Вадохрышча. «Прыйшла коляда – двэры одчыняйтэ»! Гэтыя словы гучалі ўчора, 15 студзеня, у нашым Цэнтры, пад час калядак, якія падрыхтавалі малодшыя навучэнцы (1 клас) клуба аматараў фальклору “Катрынка”. Гэтая дзея з’яўляецца часткай рэканструяванага рэгіянальнага каляднага абраду, асаблівую прыгажосць якой надае рэгіянальны дыялект і амаль забытыя калядныя вершы і спевы. Удзельнікі калектыву з каляднымі песнямі і святочнымі віншаваннямі завіталі у кожны гурток. Юных фалькларыстаў сустракалі пачастункамі нашы навучэнцы і педагогі. Завіталі калядоўшчыкі і ў гарадскую дзіцячую бібліятэку, дзе іх сустрэлі таксама з задавальненнем. Поўны кошык прысмакаў стаў для дзяцей заслужанай узнагародай.
Педагогі Краўчук А.М., Зайцава А.М. | |
|
Всего комментариев: 0 | |